I ahu pēnei mai ō tātou iwi
Ko ngā haerenga atu me ngā haerenga mai. I ū mai ai a rau tāngata ki Niu Tīreni i roto i ngā rau tau. Kei konei ngā kōrero mō rātou, kei Passports. Ko wai rātou? He aha tā rātou i kawe mai? He aha i mahue atu e rātou? Mehemea ko koe, ka aha koe?
He maha ngā taonga, ngā ataata, ngā pāhekoheko hei kōrero, hei whakaatu i ngā āhuatanga maha i pā ki a rātou i a rātou i runga i te ara - te piripiri o te noho i runga i ngā kaipuke o ngā tau 1800, te whakarere atu i Iuropa i ngā wā whakamataku o ngā pakanga nui o te ao, ngā heke o muri mai i haeretia mai i runga i te kore mōhio he aha kei mua i te aroaro.
Ka kitea i runga mapi, i runga ataata, te āhua rangatira me te rerekē o te noho a ngā mea o Ingarangi, o Airani. Ka kitea anō hoki te rerekētanga o ērā iwi o te ao i haere mai i Haina, i Īnia, i Tararā, i Kirihi, i ngā Moutere. I haere mai me ā rātou tikanga e kitea tonutia ināianei.
He pāhekoheko, he wero, koia tēnei ko te whakaaturanga o Passports hei titiro mā tātou ki ngā tikanga a te maha o tauiwi e whakahaeretia ana i konei, i tō tātou whenua.