Te maha o ngā momo tipu me ngā momo oranga o Niu Tīreni
Kei konei ka kitea ngā momo tipu me ngā momo oranga mai i ngā tihi maunga ki ngā hōhonu o te moana. Ka mauria koe ki ngā wāhi mātao i ngā tihi maunga, ki ngā wāhi e tipu ai te ngahere, ki ngā wāhi e tere ai te wai māori, ki ngā taha moana, ki te au o te moana, ki te moana hōhonu.
Nui atu i te 2500 ngā tipu me ngā oranga e whakaaturia ana i konei. Mai i te itiiti rawa o te aitanga a Punga ki te kōiwi o tētahi parāoa, 21 mita te roa. Ka hari ā-kanohi te tangata i te mātakitakitanga i ngā pikitia ka whakaaturia – te maha o ngā manu e rere ana i te moana, he kea e haehae i tētahi tuēke, he kākā e riri ana ki te kākā, he mako e moe ana i tana hoa. Te pai o te whakatakotoranga i ngā mātaitai me ngā pēpeke.
Ka whakameremere te whakaatu i ngā āhuatanga o te taiao mā ngā oro me ngā pānga tīramarama. Ka hāereere koe i waenganui i ngā ponga, ngā tawai nunui, ngā kauri me ngā rātā i āta hangaia. Ka rongona ngā oro o ngā kararehe ngahere, o te wai rere me te moana. Ka āhua kōpatapatahia te wāhi ki ngā tiwha o te mārama o te rā e puta mai ana i ngā rau rākau. Kei te tohu ngā whakakitenga o raro i te moana i te pirikoko me te hōhonu. Mai i te taumata o te ara rōnaki o waenganui ka tirohia te whakakitenga katoa.
Huri noa i te whakaaturanga ka rongo koe i ngā hopukanga reo a ētahi tamariki e kōrero ana mō ngā āhua whakamere e pā ana ki ngā kararehe rerekē. Ka taea te hanga i tōu ake tūmomo manu mā te whakamahi i te mata rorohiko pāhekoheko.
Hei whakamutunga ka kite wherakotia ngā mahi o muri i Te Papa. Mā te titiro ki roto i te Taiwhanga Whakaahua Whakaroto ka kitea ngā kohinga kararehe whāngote o te moana e whakaputua ai ngā anga kōiwi o ngā tūmomo tohorā, aihe, kekeno hoki.
> Have a look at a 3-D spin of Mountains to Sea.
> See Mountains to Sea presented by What Now (video starting at 0.43 seconds)