He whakaaturanga e ara ake ana i Pōneke
He whakaaturanga tēnei e hari mai ana i te ngahere o te wao nui a Tāne ki te tāone o Pōneke. Te ātaahua o te whānau a Tāne, mai i te ngahere ki ngā whenua puia. Whakawhitia te piriti tārere, peka atu ki te ana pūrātoke, ki tētahi repo rānei, piki ake i tētahi rangitoto, keria ētahi parawae. He tiro noa iho rānei te mahi, he nohopuku rānei hei kapo hau.
Kua hangaia te ao tūroa ki konei. Kua tauiratia ētahi pari, kua poua ki ētahi o ngā rākau nui me ngā rākau iti o te taiao. E rite ana ki ngā ngahere pāpango o mua, e tipu ana i konei i mua noa atu i te haerenga mai o tauiwi. Kāhore tētahi tipu kotahi i tauhou ki te paenga o tēnei whanga i mua.
I hangaia he rangitoto hei titiro mā te tangata tae atu ki ngā ngārahu o ngā pahūtanga o ngā maunga e tū mai rā i waenganui i Te Ika a Māui. Kua hangaia he wāhi keri anga pōhatu, e kitea ai tētahi mokotai, he momo ngārara nō mua noa atu i te taunga mai o te tangata ki konei, engari nō konei.
Kua hangaia he papa mātātoa, he ana pērā i ērā kei Waitomo, e ngoaki atu ai te tangata i roto i te ana pākeho – e turuturu ana te wai, e pōuri ana a roto, he koeko iri, he pūrātoke, he ana wētā, he kōiwi moa, ētahi mea ka kitea i tēnei ana.
He toka nunui e tuarā ana i tēnei o ngā whakaaturanga tino pakeke kei Te Papa Tongarewa. E 600 miriona tau pea te pakeke o ēnei toka hei kakenga, hei awhinga mā te tangata.
Kei konei ka āhei te tangata ki te ahu atu ki tētahi ngahere kei waenganui i te tāone e tū ana.