Kua oti te whakarite te āhei atu mō ērā me ngā hiahia tauwhāiti pēnei i ngā hauā. I mua i tōu pekanga mai, waea mai ki Te Aka Matua, 04 381 7000, ka whakaatu mai i ōu hiahia. I a koe i konei, ka whakaritea ōu hiahia e ā mātou Kaimanaaki.
He wāhi whakatū waka mō te hunga hauā e tata ana ki te tomokanga o ngā waka. Ka uru atu koe mā te tomokanga matua i te papa whenua.
> More information about the parking
Any guided tour can be tailored for the specific needs of our visually and hearing impaired guests.
> View the list of available tours and booking information
He tūru wīra tūroro ā mātou kei te Koti, Pēke, kei te Papa 1. Ka taea te tono waea i mua i tōu pekanga mai, 04 381 7000 ext 7964. He nui ngā tūru kei ngā wāhi katoa o Te Papa Tongarewa hei nohoanga, hei whakangā.
Ka āhei ngā hauā ki ngā whakaaturanga nui katoa, me ētahi o ngā kaupapa kukume. Kei ētahi ka rongona ngā kōrero e te hunga kua waimaero te kite. He Ārahi Reo ā mātou kei roto i ngā reo Māori, Pākehā, Tiamana, Hapanihi, $5 te utu. He kōrero ēnei mō ngā whakaaturanga, he waiata, he kauhau.
Mō te hunga turi, he taonga rongo reo kei ngā wāhi maha, ka kitea te tohu whakaatu i aua taonga.
Mō ngā rōpū hauā, he maha ngā āwhina kei a mātou. Kei ngā Discovery Centre e whā ngā tākaro pāhekoheko, he rorohiko hei patopato, he pukapuka hei titiro, hei whakangahau i ngā rōpū tamariki. Mō ngā rōpū hauā nui, me waea mai i mua i te pekanga mai, ki Golden Days, me StoryPlace.
E wātea ana ngā wharepaku ki te hunga haere tūru wīra. Ki te pā he raruraru, he tikanga ā mātou hei āwhina i te hunga haere tūru wīra me ā rātou kaitiaki.
