Self guided online resource
Nau mai ki Te Papa Investigator
Kua whakaritea tēnei rauemi mā ngā kaiako e whakamahi ina pīrangi rātou ki te ārahi i ngā toronga o ā rātou akomanga ki Te Papa. Ka whakakotahi te rauemi nei i Te Marautanga o Aotearoa me te wheako o Te Papa, ā, he pai mā ngā akonga o ngā tau e 1-13, me ngā taumata paetae 1-8.
Kei ia taonga kua kōwhiria mō enei rauemi ōna ake mōhiohio tautoko, pēnei i:
- ngā hononga marautanga
- ngā kaupapa matapaki pea
- ngā hononga ki ētahi atu mōhiotanga
- ngā whakaaro puaki mō ngā kaupapa ka tautokona e ngā taonga nei
- ngā whakaaro puaki mō te wā me pau pea ki ia taonga
- ngā mōhiotanga whakamārama
- ngā mōhiotanga e pā ana ki ērā atu taonga whai pānga i Te Papa.
Ka taea tēnei rauemi te tā. Ko tō mātou whakaaro, me tā i te mapi me ngā mōhiotanga mō ngā taonga ka pīrangi koe kia whai wāhi ki tō toronga, ā, ka mauria tahitia mai i tō taenga mai ki Te Papa.
Ka tūtohu mātou me tono e koe tō toronga māu anō e ārahi. Mā tēnei e whakarite kia āhei atu koe ki ngā taonga e pīrangitia ana ā te wā i whakaritea e koe.
Kei te aro te wāhanga nei me pēhea e whakamahi ai koe i Te Papa hei taputapu akoranga, hei rauemi akoranga anō hoki. He tino rauemi whai tikanga ngā whare pupuri taonga pēnei i Te Papa mō ngā rōpū ārahi i a rātou anō, engari he rerekē ngā huarahi whakamahi o tēnei momo rauemi i ō te kura.
Pāwhiria a konei kia kite i ētahi mahere hei āwhina i a koe ki te rapu kei hea ngā taonga me ngā whakaaturanga e rārangitia nei.
Kei tēnei whakaaturanga, kapi katoa i te ngahere i tipu mai huri noa i te wahapū o Te Whanganui-a-Tara i neherā, te maha o ngā mea hei tūhuratanga mā ngā kaihōpara, ngā kaihuakanga, ngā kaitātai aro whenua, ngā kaimātai huaota, ngā kaimātau rauropi, me ngā kaimātai matawhenua ahupūngao e tīmata ana.
Titiro ki tēnei whakaahua nā tētahi o ngā kaitoi tautoenga atu o Aotearoa, nā Charles Frederick Goldie
Kua rongo koe i te rū whenua i raro i ō waewae inā noa nei? Mā te Whare Rū o Te Papa e hanga hou te tūāhuatanga o tētahi o ngā rū whenua nunui rawa te utu i Aotearoa nei.
Ka ora anō tēnei toa hoko petapeta i ngā pō! I muri i te rakanga o ngā kūaha me te kume i ngā paraina, ka whakaaturia he kiriata nui te papātanga mai i waenga i tētahi huinga taonga kua whakahauoratia.
He motokā? He taonga toi rānei? Kei te hanumi tēnei wākena teihana i tino whaitake i mua i ētahi tohu rongonui e rua nō Aotearoa. Kei te wero i tō te tangata o Aotearoa whakaaro e pā ana ki tēnei mea, te taonga toi.
He ahurei tēnei wharepuni nō te rautau tekau mā ono kua hanga houtia nei.
Tirohia he tauira āwhata, he mea whakakitekite, o ētahi manu ngaro e rua tērā i amio haere i te whenua i ētahi tau e 600 i mua - i tata te whawhai tētahi ki tētahi tae noa pea kia mate tētahi.
Atu i te marama o Whiringa ā nuku 2007, ka tū ano te whare whakahura o PlaNet Pasifika.
Kei te whakarato a PlaNet Pasifika, tētahi o ngā Discovery Centres e whā, i te wāhi pāhekoheko e kitea ai he taonga, he mahi me ētahi kōrero pūrākau nō Te Moana-nui-a-Kiwa.
Whakatata atu ki te kōhatu pounamu nunui - he taonga ahurei i auahatia e ngā āinga whakaharahara tērā e hanga i te taiao o Papatūānuku.
Me whai wāhi atu ki te whakapapa o Te Papa mā te kite i tōu ake tuku ihotanga i roto i Te Marae, he tauira whakaharahara o te hoahoa marae e whakamahi ana i ngā tikanga o nāianei ki te whakapuaki i ngā kōrero taketake.
Tirohia te āhua o te haere mai hei manene ki Aotearoa i te rautau tekau mā iwa - ngā rā i pau i raro raho, ngā tahumaero, te matekai, te hōhā, me tētahi haerenga roa whakaharahara.
Torotoroa tēnei karanga ataata e karanga mai ana i ō mātou manuhiri ki runga i Te Marae o Te Papa Tongarewa. Tūturu, he whiwhi atu tēnei taonga toi i tō te tangata whakaaro i tana tirohanga tuatahitanga, ā, e tohu ana i ngā kōrero pūrākau o ētahi atua wāhine tokoono mā ngā rawa o ēnei rā.
I ngā wā o mua he toiere whakahira tēnei waka whakarei i runga i te Awa o Whanganui, i hoea e ētahi toa whakatūtū riri e toru tekau.
Ārohia te anga o tētahi tāne taiohi ka huakina e tētahi rōpū tohorā, ka whakarērea nā te pōhēhē kua hemo kē ia, kātahi ka whakamate hinapōuritia i tētahi tūtukitanga ki tētahi kaipuke.
Tūhuratia te ao mīharo o te hokohoko i ngā toa o mua, i Te Toa Aotearoa kei te Kokonga.
Koinei te rahi? He aha ai he uaua te oranga o tēnei mea? Haramai ki te rūmaki i te pepa whakapūmau o to tātou whenua.
Kāore te whakātu I te mahi toi nei I tēnei wā
Kia taupua mō te āta whakaaroaro mārire i a koe e titiro ana ki tētahi taonga toi nui rawa atu te wāriu a Te Papa nā tētahi kaitoi rongonui o Aotearoa, nā Colin McCahon.
Ko Te Huka a Tai tētahi o ngā whare whakahura e whakarite ana i tētahi wāhi pāhekoheko hei whakaatu i ngā taputapu, ngā mahi ngahau, ngā pūrākau hoki mai i a Aotearoa.
Atu i te marama o Whiringa ā nuku 2007, ka tū ano tēnei whakaaturanga.
Kua kite anō koe i tētahi pūru pēnei e kai karaihe ana i te pātiki? Tirohia tētahi whakairo whakamīharo i hangaia ki ngā rawa kua hangaruatia nā tētahi kaitoi rongonui nō Aotearoa me Te Moana-nui-a-Kiwa, nā Michel Tuffery.
Kia whakamīharo i ngā pukenga o ngā tāngata i Aotearoa i ngā rautau kua hipa ake. Haramai ki te titiro whakatata ki tēnei taonga whakamīharo
Titiro ki tēnei kākahu onge, whakamīharo hoki i hangaia ki ngā huruhuru o ētahi manu e 20,000, i korowaitia ai ki ngā pakihiwi o Kāpene Hēmi Kuki i tōna ūnga atu ki ngā moutere o Hawai’i.
Kitea nuitia ai tēnei De Havilland Tiger Moth, i hangaia i Aotearoa i te tau 1941, e rērere ana i ngā rangi o te ao, inā koa i te wā o te Pakanga Tuarua o te Ao. Kei te iri ināianei i runga i te Papa 4 o Te Papa, kia kitea paitia ai.
Ko te NatureSpace, tētahi o ngā Discovery Centres e whā i Te Papa, tētahi wāhi pai, pāhekoheko hoki e ako ai ngā tamariki, pakeke hoki ki te pūtaiao me ngā āhuatanga o te taiao.
From the depths of the Southern Ocean comes the Colossal Squid! This online resource is designed to assist teachers to prepare for their self-guided visit to the Colossal Squid.
Ko Our Space he wāhi whakaaturanga rongorau, pāhekoheko hoki e whakamahi ana i te hangarau, ngā whakaahua ā-kāmera, me ngā rerenga ataata hei tūhura i ngā kaupapa tuakiri tangata o Aotearoa.
Āta tirohia ngā whakairo rauangi i tēnei taonga rerekē i te hītori o Aotearoa.
Maths and Art? Its all here! Three dimensional effects, wild lines of symmetry, rotating motives which absorb and reflect light. Pacific Patchwork to appliqué and its called Tivaevae!
Tirohia te kohikohinga rahi rawa atu o ngā kōhiwi whāngote nō te moana kei Te Papa.
Rapua ngā pouaka kia kite i ngā otaota me ngā kararehe nō tāwāhi tērā tonu pea ka āhei te urutomo i Aotearoa.
Come and see this colourful speed demon, an amazing example of ‘Kiwi ingenuity’ that broke four world records.