Teachers
Nau mai ki te Rauemi ā-Ipurangi o Awesome Forces
Kua whakaritea tēnei rauemi ā-ipurangi ki te tautoko i ngā kaiako ki te whakawhanake i tētahi kōwae ako e pā ana ki ētahi o ngā mōrearea o te ao tūturu i Aotearoa nei, me pēhea hoki e takatū ai te tangata mō aua mōrearea. Kei te aro atu ki ngā rū whenua, ngā hūnga me ngā ngaru āniwhaniwha.
Ko te arotahi o te wāhanga ākonga ko ērā ākonga tau 4-10, ā, ka whakaurua pea hei wheako ako i roto i te akomanga, ka whakamahia kōramuramutia kē i te kāinga.
Kua whakahiatotia tēnei rauemi me te tautoko a te Earthquake Commission, GNS Science. E whā ngā wāhanga:
- Te wāhanga ākonga - Kua Rite Koe?
- Kōrero pūrākau
- Kēmu pāhekoheko Kia Rite mō te Mea Nunui
- Te wāhanga kaiako
E rima ngā wāhi o te wāhanga kaiako - tīpakohia he wāhanga o raro nei mā te pāwhiri atu.
Ētahi atu pārongo mō ngā mahi ka taea e ngā ākonga me ō rātou whānau ki te noho rite kei tūpono mai te ohotata. Kei te tautoko i ngā whārangi pāhekoheko o Kua Rite Koe? I roto i te wāhanga ākonga.
Ētahi pitopito ataata poto o tētahi uiuitanga ki tētahi kaipūtaiao e kaikaha ana ki te ako mō ngā puia raro moana.
He ārahitanga whānui mō te wāhanga ākonga. Kei roto ngā hononga e hāngai ana ki te Marautanga o Aotearoa me ngā putanga ako mō ngā ākonga.
He rārangi matawhānui o ngā pukapuka, ngā kete me ngā pae tukutuku e rawe ana ki te tautoko i ngā kaiako ki te whakawhanake i tēnei kōwae ako. Kei roto hoki he pārongo mō te whakarite i tētahi toronga ki Te Papa me ngā rauemi hāngai kei a mātou.
E wātea ana tētahi tauira tā o ngā kōrero pūrākau e toru nō Aotearoa i te wāhanga ākonga.