E herea ana a Te Papa ki te hoatu taurewa i āna taonga ki ngā whakahaere arumoni kore kia kitea e te iwi whānui, ki ngā whakahaere rānei kua whakamanahia e Te Papa mō ngā take rangahau.
Ka whakapau kaha a Te Papa ki te āwhina i te hunga pīrangi mino taonga mai. Me whakapā mai ki tētahi kaitiaki i mua i te tuku tono mō te mino taonga kia tautuhia ai, kia tīpakohia ai, kia tirohia ai rānei ngā taonga.
Whakaaturanga
Mēnā ka pīrangi koe ki te mino i tētahi kohinga hei whakaaturanga, me tono ōpaki mai ki te Loans Manager o Te Papa i te ono marama i te itinga rawa i mua i te whakatuwhera i taua whakaaturanga. Tēnā pea kia nui ake te wā i te ono marama i mua te whakaaturanga te wā tika hei whakapā mai mēnā he āhua matatini tō tono, mēnā ka hiahia koe rānei ki te tino maha o ngā taonga.
Me whai wāhi ngā mōhiohio nei i roto i te tono mino:
- Te ingoa, te wāhi noho me ngā mōhiohio whakapā o te whakahaere mino me te tangata whakapā;
- Te ingoa o te whakaaturanga, te wāhi, ngā rā whakaatu me tētahi whakarāpopototanga o te whakaaturanga;
- Te wā mō te mino taonga (tae atu ki ngā wā mō te taenga atu, te whakatū, te tango me te whakahoki mai);
- Ngā mokamoka o te kohinga tae atu ki te tau rēhita a Te Papa;
- He Pūrongo Whakaurunga mō tō wāhi whakaatu me ērā atu wāhi whakaatu;
- Te mahere kua whakaarohia mō te whakaatu me te aukati i te pā o te tangata ki ngā taonga;
- Me rau atu tētahi reta tautoko nā ngā iwi tika ki taua tono taonga.
Ka tātarihia tō tono hoatu taurewa e ngā kaitiaki, e ngā kaiwhakahaere o ngā kohinga, e ngā kaiukauka, e ngā kaimahi āwhina mō ngā kohinga, ā, mā rātou e kōrero mō ngā tūponotanga, e tautuhi hoki ngā utu e whai pānga ana. Ka whai whakaarohia ēnei paearu ina mahi ngā kaimahi i te aromatawai:
- Te āhua o te wāhi whakaatu me te hunga peka mai ki te titiro;
- Te rahi me te matatini o te hoatu taurewa e whakaarohia ana i runga anō i ngā tono tērā ka papā me ngā whāinga matua o Te Papa;
- Te āhua o te taonga;
- Te arotau o te tono me te roa o te hoatu taurewa.
Mā mātou koe e whakamōhio ki te otinga o te aromatawai ā roto i te 40 rā i muri i te whiwhinga o tō tono mai. Ina hoatu taurewa a Te Papa i ētahi taonga, ka reri aua taonga kia whakaaturia. Me mōhio anō koe, ka utua e te kaimino ngā utu e whai pānga ana ki te hoatu taurewa. Ko ngā utu nei e pā noa iho ana ki ngā rawa, e kore e whai wāhi i roto i aua utu ngā utu mō ngā wā i pau i ngā kaimahi, engari koa kua hoatu kē taua mahi ki ētahi kaikirimana. Tēnā pea ko ngā uru whai pānga ko ēnei:
- Ngā rawa whakaputu tae atu ki te hanga i ngā pouaka;
- Te takai me te hanga anga mō ngā mahi toi;
- Ngā momo whakamau e tika ana mō te whakaatu;
- Ngā whakaahua Whakaatu Āhua.
Me whakarite, me utu te kaimino i ēnei e whai ake nei (i muri i te whakwhitiwhiti kōrero ki a Te Papa):
- Ngā utunga kawe (tae atu ki te whakawātea a Te Mana Ārai o Aotearoa);
- Ngā utunga mō te haere i te taha o te karere (utu haere, utu noho me ngā utu tāpui).
I a mātou e aro matawai ana, ka ine mātou i te heipūtanga ka pota te taonga ki ngā rauemi e wātea ana ki te tiaki. Kei te mōhio mātou tērā pea ka pau tētahi wā whakawhitiwhiti kōrero mō tēnei āhuatanga. Ina mutu ngā whakaritenga ka haina ngā rōpū e rua i tētahi whakaaetanga ōpaki, ā, ka āta herea ngā rōpū e rua ki ngā whakaritenga o taua tuhinga whai mana.
Rangahau
Mēnā ka pīrangi koe ki te mino i tētahi taonga mō tētahi mahi rangahau me tuku i tētahi tono ōpaki ki te kaiwhakahaere tika mō te kohinga.
Me whakauru atu ēnei mōhiohio ki roto i te tono hoatu taurewa:
- Te ingoa, te wāhi noho me ngā mōhiohio whakapā o te whakahaere mino me te tangata whakapā;
- Ngā mokamoka mō te kaupapa rangahau;
- Ngā wā mō te hoatu taurewa.
Whakapā mai
Jo Torr
Loans Manager
Te Papa
PO Box 467
Wellington
New Zealand
Ph: +64 (0)4 381 7216
Fax: +64 (0)4 381 7230
Email: jot@tepapa.govt.nz